))))Vu & Company(((( ادبی ڈکیتی...

ادبی ڈکیتی

تین ﺷﺎﻋﺮ ﮐﮩﯿﮟ ﭘﮧ ﺗﮭﮯ ﯾﮏ ﺟﺎ

ﺗﺬﮐﺮﮦ ﺷﻌﺮ ﻭ ﺷﺎﻋﺮﯼ ﮐﺎ ﺗﮭﺎ

ﭘﮩﻼ ﺷﺎﻋﺮ ﺍﮐﮍ ﮐﮯ ﯾﻮﮞ ﺑﻮﻻ

ﻣﯿﮟ ﻓﻦِ ﺷﺎﻋﺮﯼ ﻣﯿﮟ ﮨﻮﮞ ﯾﮑﺘﺎ

ﻣﺠﮫ ﮐﻮ ﮔﺮ ﺟﺐ ﺑﮭﯽ ﺷﻌﺮ ﮐﮩﻨﺎ ﮨﻮ

ﺍﻭﺭ ﻓﻮﺭﺍً ﮐﮩﯿﮟ ﭘﮧ ﭘﮍﮬﻨﺎ ﮨﻮ

ﮐﺴﯽ ﺍﺳﺘﺎﺩ ﮐﺎ ﺧﯿﺎﻝ ﻟﯿﺎ

ﺍﻭﺭ ﻓﻮﺭﺍً ﮨﯽ ﺷﻌﺮ ﮈﮬﺎﻝ ﺩﯾﺎ

۔۔۔۔۔

ﺩﻭﺳﺮﺍ ﺑﻮﻻ ﺍﺱ ﻣﯿﮟ ﺯﺣﻤﺖ ﮨﮯ

ﺷﻌﺮ ﮐﻮ ﮈﮬﺎﻟﻨﮯ ﻣﯿﮟ ﻣﺤﻨﺖ ﮨﮯ

ﭼﻮﺭﯼ ﺍﻭﺭ ﺑﺲ ﺧﯿﺎﻝ ﮐﯽ ﭼﻮﺭﯼ

ﮐﺮلو ﻣﯿﺮﯼ ﻃﺮﺡ ﺑﮍﯼ ﭼﻮﺭﯼ

ﻣﯿﮟ ﺗﻮ ﻣﺼﺮﻋﮯ ﮨﯽ ﻣﺎﺭ ﻟﯿﺘﺎ ﮨﻮﮞ

ﮐﺒﮭﯽ ﺍﺷﻌﺎﺭ ﺟﮭﺎﮌ ﺩﯾﺘﺎ ﮨﻮﮞ

ﺍنھیں ﺷﻌﺮﻭﮞ ﮐﻮ ﭘﮍﮪ کے ﻣﺤﻔﻞ ﻣﯿﮟ

ﺧﻮﺏ ﻣﺤﻈﻮﻅ ﮨﻮﺗﺎ ﮨﻮﮞ ﺩﻝ ﻣﯿﮟ

۔۔۔۔۔

ﺍﺏ ﺗﻮ ﺍﻥ ﺗﯿﺴﺮﮮ ﮐﯽ ﺑﺎﺭﯼ ﺗﮭﯽ

ﺍﻭﺭ ﺧﺎﻣﻮﺷﯽ ﺍﻥ ﭘﮧ ﻃﺎﺭﯼ ﺗﮭﯽ

ﻻﮐﮫ ﭘﻮﭼﮭﺎ ﺗﻮ ﺑﺲ ﻭﮦ ﯾﮧ ﺑﻮﻟﮯ

ﺁﭖ ﻣﯿﮟ ﮐﻮﺋﯽ ﮐﯿﺎ ﺯﺑﺎں ﮐﮭﻮﻟﮯ

ﻣﯿﮟ ﻟُﭩﺎ ﮨﻮﮞ ﮨﺮ ﺍک ﺯﻣﺎﻧﮯ ﻣﯿﮟ

ﻗﻠﺐ ﭘﮭﭩﺘﺎ ﮨﮯ ، ﯾﮧ ﺑﺘﺎﻧﮯ ﻣﯿﮟ

ﺍﮎ " ﻣﺴﺪﺱ " ﺟﻮ ﻣﯿﮟ ﻧﮯ ﻟﮑﮭﺎ ﺗﮭﺎ ،

ﺍﺱ ﮐﻮ " ﺣﺎﻟﯽ "ﻧﮯ ﺁ ﮐﮯ ﻣﺎﻧﮓ ﻟﯿﺎ

ﻟﮑّﮭﯽ " ﺑﺎﻧﮓِ ﺩﺭﺍ " ﺑﺤﺴﻦِ ﮐﻤﺎﻝ

ﺍﺱ ﮐﻮ ﺑﮭﯽ ﻣﺎﺭ ﻟﮯ ﮔﺌﮯ "ﺍﻗﺒﺎﻝ" ۔۔

ﺑﻌﺪ ﻣﯿﮟ ﮐﭽﮫ ﺭﺑﺎﻋﯿﺎﮞ ﻟﮑﮭﯿﮟ

ﻭﮦ ﺑﮭﯽ ﺳﺐ " ﺟﻮﺵ "ﻧﮯ ﺭﻗﻢ ﮐﺮ ﻟﯿﮟ

ﻣﯿﺮﯼ ﻧﻈﻤﯿﮟ " ﻣﺠﺎﺯ " ﻧﮯ ﻟﮯ ﻟﯿﮟ

ﺳﺎﺭﯼ ﻏﺰﻟﯿﮟ " ﻓﺮﺍﻕ" ﮐﻮ ﺩﮮ ﺩﯾﮟ

ﮔﯿﺖ " ﺑﯿﮑﻞ " ﻧﮯ ﺳﺎﺭﮮ ﻣﺎﺭ ﻟﯿﮯ

ﺷﻌﺮ " ﺳﺎﻏﺮ " ﭘﮧ ﮨﻢ ﻧﮯ ﻭﺍﺭ ﺩﯾﺌﮯ

ﺳﺐ ﻧﮯ ﯾﻮﮞ ﺷﻌﺮ ﻣﯿﺮﮮ ﺑﺎﻧﭧ ﻟﺌﮯ

ﺟﯿﺴﮯ ﺑﺎﺯﻭ ﮨﯽ ﻣﯿﺮﮮ ﮐﺎﭦ ﻟﯿﺌﮯ

ﺟﻮ ﺑﮭﯽ ﺷﺎﻋﺮ ﮨﮯ ، ﮨﮯ ﺍﺳﮯ ﺩﮨﺸﺖ

ﮨﮯ ﻣﻘﻮﻟﮧ ﯾﮧ ﺳﭻ ﻣﯿﺎﮞ ﻭﺣﺸﺖ

ﺟﺲ ﮐﯽ ﻻﭨﮭﯽ ﮨﮯ ﺑﮭﯿﻨﺲ ﺍﺱ ﮐﯽ ﮨﮯ

ﮔﺮ ﻧﮧ ﻻﭨﮭﯽ ﮨﻮ ، ﺑﮭﯿﻨﺲ ﺳﺐ ﮐﯽ ﮨﮯ

ﮐﻼﻡ: ﻭﺣﺸﺖ ﮐﻠﮑﺘﻮﯼ ( ہندوستان)

--
You received this message because you are subscribed to the Google Groups "Vu and Company" group.
To unsubscribe from this group and stop receiving emails from it, send an email to vu-and-company+unsubscribe@googlegroups.com.
Visit this group at https://groups.google.com/group/vu-and-company.
For more options, visit https://groups.google.com/d/optout.